Bjørk vann silvur

Mikudagur 29. juni 2011 - 20:42

Bjørk Herup Olsen hevur í kvøld vunnið silvur í 10.000 metra renning á Oyggjaleikunum.

Bjørk fylgdist stóran part av teininum við trimum øðrum rennarum, men nakað fyri endaspurtin dragnaði ein av rennarunum, og tí kappaðust Bjørk og tvær aðrar um fremstu plássini.

Í endaspurtinum rann Louise Perrio av Guernsey frá Bjørk og Turi Malme av Hitra, og Perrio vann renningina. Bjørk helt seg frammanfyri Turi á seinasta teininum og rann tí í mál sum nummar 2 við tíðini 37:28.85, sum er nýtt føroyskt met.

- Hetta var heilt fantastiskt. Eg veit ikki, hvat eg hevði roknað við, men eg føldi meg væl í kvøld og rann eina góða renning, sigur Bjørk Herup Olsen.

Bjørk skal fríggjadagin renna 5.000 metrar renning, sum er hennara seinasta kapping.

Eyðun Klakstein
skriva til .(JavaScript má vera gildað fyri at kunna síggja teldupostadressun)

Les eisini